Argazkiak, Hormonak eta Lexatín

Tdiferenciak ikuskizun feminista, aldarrikatzailea, goxoa eta, batez ere, oso dibertigarria aurkezten du berriz.

Sala de espera lanaren ondoren, Maite Redin Mertxeren azalean sartuko da berriz: antsietatea diagnostikatu dioten emakumea da, behin baino gehiagotan histerikotzat jo dutena, eta berak aitortzen duenez, gehiegizko pisua atzean utzi eta eroso instalatu da obesitatean.

Baina Mertxek erronka berri bati egin behar dio aurre orain: gorputza aldatzen denean, hormonek beren kabuz erabakitzen dutela dirudienean, eta zer demontre gertatzen ari den galdetzen hasten garen bizitzako etapa horri.

Umorearen bidez, menopausiaz eta 45 edo 50 urtetik aurrera emakumeok eta gizonek bizi ditugun aldaketa fisiko eta emozionalez hitz egiten du ikuskizunak. Lehen bezala erantzuten ez duen gorputzaz, autoestimuaz, desioaz, sexuaz, maitasunaz, bikoteaz, segurtasunik ezaz, eta maitatuta eta bizirik sentitzen jarraitzeko beharraz ere bai.

Urteak betetzeak ez duelako desagertzea esan nahi. Desioak ez duelako iraungitze-datarik, ezta norberarekiko maitasunak ere. Eta agian iritsi delako gehiegi konplexurik gabe hitz egiteko unea, denbora luzez isilean bizi izan dugun guztiari buruz.

Benetakoa bezain komikoa den istorioa, absurdoa bezain egunerokoa, goxoa bezain zintzoa.

Etorri, egin barre, partekatu… eta, behar izanez gero, Lexatín.

IRAUPENA: 50 minutu

ZUZENDARITZA: Maite Redin

EKOIZPENA: Tdiferencia S. Coop.

ANTZEZLEAK: Maite Redin

EGILEA: Maite Redin

HIZKUNTZA: gaztelania